| "Ballade van die Nagtelike Ure" - N.P. van Wyk Louw [boodskap #7990] |
Fri, 10 January 1997 00:00 |
Izak Bouwer
Boodskappe: 463
Geregistreer: January 1996
Karma: 0
|
Senior Lid |
|
|
Ballade van die Nagtelike Ure
N.P. van Wyk Louw
Ons liefde het uitgeblom
tussen elfuur en kwart voor twee -
hier sit ek onder die dagbreek
half-nugter en verlee
op koel stoeptreetjies erens
waar ek 'n blink waterkraan sien,
in die ure van die donker dors
tussen twaalfuur en smorens om tien.
Om elfuur was jou liggaam
die honger en dors in my,
as jou skewe papier-kalot
ver deur die danssaal gly.
Om twaalfuur was jy 'n ligte brug,
'n hoëe, gevaarlike gang
bo my klein verwildering
tussen pyn en sterwe gehang.
Om eenuur was jou hare
vir my vingers 'n bose strik,
en jou lyf soos swart stil water
en jou asem soos 'n snik.
En nou het die m^ore my
oor die rand van sy glas gemors
op die stoep by die kraan wat blink
in die uur van die donker dors.
(1937)
(gepos deur gloudina bouwer)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
